Madaxweynaha Faransiiska Emmanuel Macron ayaa ku tilmaamay afgambigii xilka looga tuuray hoggaamiyihii la doortay ee Niger, inuu ahaa “mid halis u ah” gobolka Saaxil, iyadoo quwadaha reer galbeedka ay u xusul duubayaan sidii ay u ilaalin lahaayeen saldhigooda Niger ee muhiimka ah ee kala dagaalamaan kooxaha xagjirka ah.
“Afgambigani gabi ahaanba waa mid sharci darro ah oo khatar weyn ku ah dalla iyo dadka Niger iyo gobolka oo dhan,” Macron ayaa sidaas yidhi maanta oo jimce ah, isagoo sidoo kale ku baaqay in la sii daayo madaxweyne Maxamed Bazoum.
Madaxweyne Bazoum waxa ilaa Arbacadii ku xidhnaa ilaaladiisa gaarka ah.
Dowladda Niger ayaa dad badan oo beesha caalamka ka mid ah waxay u arkeen inay tahay gaashaanka ka dhanka ah mintidiinta islaamiga ah ee ka jira gobol ballaaran oo oomane ah oo ay hareereeyeen caqabado amni
Horseed Media
