Madaxweynaha Puntland Siciid Cabdulaahi Deni ayaa xilkii ka xayuubiyay Taliyihii Ciidanka Booliiska Puntland Sareeyo guud Cabdi Xasan xuseen Cabdiyare ,isagoona xilkaasi u magacaaabay Sareeyo Guud Maxamed Cali Xaashi.
Hoos ka akhrido Digreeto kasoo baxday Xafiiiska Madaxweynaha
Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 32 ee 1-da November 2021 kuna saabsan magacaabid Taliyaha Ciidanka Booliska Dowladda Puntland.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay: Baahida loo qabo Dar-dar gelinta Amniga.
Markuu la tashtay: Madaxweyne Ku-xigeenka Dowladda Puntland.
Markuu Tixgeliyey: Aqoontiisa, kartiisa iyo waayo-aragnimadiisa Ciidannimo.
Wuxuu xeeriyey:
- Waxaa S/Guuto Maxamed Cali Xaashi loo magacaabay Taliyaha Ciidanka Booliska Dowladda Puntland.
*Xeerkani wuxuu dhaqan gelayaa markuu Madaxweynuhu saxiixo, Wuuna saxiixay
Horseed Media
