Muqdisho: Natiijada Imtixaanka Fasalka 12aad ee Dugsiyada sare ee dalka 2021-2022

Wasaaradda Waxbarashada, hiddaha iyo tacliinta sare ee xukuumadda federaalka Soomaaliya ayaa maanta oob Salaasa ah ku dhawaaqday natiijada imtixaanka shahaadiga dugsiyada sare ee sanad dugsiyeedka 2021/2022.

Wasaaradda ayaa sheegtay in horey loo diiwaan geliyey inay imtixaanka gelayaan 34,469 oo ardayda, balse waxaa u fariisatay 33,468 oo arday, sidaas waxaa uga haray imtixaanka oo aan gelin ama u fariisan 1,001 Arday.

Tirada baastay imtixaanka guud ee shahaadiga ee fasalka 12-aad sanad dugsiyeedkii tegay ayaa ah 32,325 arday oo u dhiganta 97%. Waxaa ku dhacay imtixaanka 1143 arday oo u dhiganta 3%.

1100 ka mid ah ardayda ku dhacday imtixaanka dowladda waxay ku galeen Gobolka Banaadir, halka 43-da kale ay imtixaanka ku galeen gobollada kale ee dalka.

Khaalid Cabdullahi Maxamuud oo ka baxay iskuulka Iftin ee degmada Warta-nabadda (ex Wardhiigley) ee magaalada Muqdisho ayaa noqday ardayga galay kaalinta koowaad ee imtixaanka shahaadiga ah ee dugsiyada sare ee dalka.

Ardeyda ugu saraysey

Tobanka ardey ee u sareysey ayaa intooda badan ka socdeen gobolka Banaadir, waa lix wiil iyo afar gabdhood waxaana ay kala yihiin.

1. Khaalid Cabdullaahi Maxamuud Nuur
   Gobolka Banaadir
2. Xuseen Axmed Xasan
   Gobolka Banaadir
3. Faadumo Ibraahim Cabdullaahi
   Gobolka Banaadir
4. Shukri Faarax Ibraahim
   HirShabelle
5. Huda Cabdullaahi Cabdi
   Gobolka Banaadir
6. Cabdirisaaq Maxamed Cumar
   Koonfur Galbeed
7. Naciimo Axmed Maxamed
   Gobolka Banaadir
8. Maxamed Cabdiweli Maxamed
   Jubbaland
9. Axmed Cabdiraxmaan Axmed
   Galmudug
10. Maxamuud Xasan Cali
    Gobolka Banaadir

Ardeyda guud ahaan gobolada kale ku hartey ayaa ah 43 ardey oo keliya.

• Deegaanada Koonfur Galbeed 24 arday ayaa dhacday.
• Galmudug 7 arday ayaa dhacday.
• Jubbaland 6 arday ayaa dhacday.
• HirShabelle 6 arday ayaa dhacday.

Guud ahaan ardeyda ku hartey Imitxaanks shahaadiga ah ee sanad dugsiyeedka 2021/2022 waa 1143, waxaana ardeyda ugu badeen ku dhaceen dugsiyada Banaadir.

Horseed Media