UN oo cambaareeyey duqeynta Israel ee Isbitaalada Gaza

Diyaaradaha dagaalka ee Israel ayaa makhribadii xalay duqeeyey labo isbitaal iyo Iskool ku yaal Gaza oo ay ku sugnaayeen barakacayaasha.

Israel ayaa duqeyn la beegsatay isbitaalka Shifa ee Gaza, xili ay halkaasi ka baxayeen gaadiidka caafimaadka oo siday dhaawac loo qaadi lahaa dalka Masar.

Qaar kamid ah gawaarida dhaawaca siday iyo shacabkii ku sugnaa irida isbitaalka Al Shifa ayey soo gaareen dhimasho (15) & dhaawac (60).

Sidoo kale Isbitaalka Indonesiya iyo waliba nawaaxiga Isbitaalka Al Qudus ayaa kamid ah goobaha makhribadii xalay la duqeeyey.

Iskuul Qaramada Midoobay maamusho oo xalay la duqeeyey ayey halkaasi ku dhinteen ugu yaraan 20 qof oo kale.

Duqeyntan ayaa lagu soo beegay daqiiqado kadib markii Xoghayaha Dibada Mareykanka Antony Blinken uu sheegay in gargaarka loo furo Gaza.

Blinken oo Tel Aviv kula kulmay Netanyahu ayaa sheegay in Israel xil iska saarto xaqiijinta amaanka shacabka Gaza iyo gargaarka loo baahan yahay.

Balse jawaabta Israel ayaa ahayd inaysan joojin doonin duqeynta, isla markaana bartilmaamsaday xarumaha caafimaadka.

Qaramada Midoobay ayaa falkan cambaareysay, xoghayaha guud  Antonio Guterres ayaa ku tilmaamay weeraradan wax laga naxo.

I am horrified by the reported attack in Gaza on an ambulance convoy outside Al Shifa hospital.

Now, for nearly one month, civilians in Gaza, including children & women, have been besieged, denied aid, killed & bombed out of their homes.

This must stop.

— António Guterres (@antonioguterres) November 4, 2023

Hase-yeeshee duqeynta Isbitaalada Gaza ayaa sii socota, subaxnimadii sabtida ayaa markale la duqeeyey isbitaalka caruurta ee Al Nasar & xerada Jabaliya.

Horseed Media