Mareykanka wuxuu sameyn doonaa ‘wax walba oo uu awoodo’ si uu uga caawiyo Imaaraadka inuu iska difaaco weerarada Xuutiyiinta, ayuu yiri madaxa taliska dhexe ee Mareykanka.
Mareykanka ayaa gacan ka geysan doona dib u habeynta gantaallada Imaaraadka Carabta ka dib markii ay soo wajaheen weerarrada isdaba jooga ah ee fallaagada Xuutiyiinta Yemen ee ay la beegsanayaan dalkaasi, ayuu yiri Jeneraalka Mareykan u qaabilsan Bariga Dhexe.
Waxaan ka caawin doonaa inaan siino gantaalada loo yaqaan [interceptors] ee difaaca cirka. Waxaan sameyn doonaa wax walba oo aan awoodno si aan u caawino [Imaaraatka] si ay isu difaacaan,” ayuu yiri Gen.Frank McKenzie, oo ah madaxa taliska dhexe ee Mareykanka ee Bariga dhexe, kadib safar uu ku tagay magaalada Abu Dhabi.
